Quiz

Éin av tre påstandar er korrekt, men kva for ein er det? Kryss av for den du meiner er rett.

1. «La belle epoque» betyr
   
   • «ein ny periode»
   • «den blå epoken»
   • «den vakre tida»
   • «framtida»
   
   
2. 1907-generasjonen fekk namnet fordi
   
   • mange nye forfattarar debuterte dette året, og dei «store» frå førre hundreåret var døde
   • mange forfattarar blei fødde dette året
   • mange bøker hadde handlinga lagt til dette året
   • «1907» var tittelen på ei viktig bok som presenterte eit nytt litterært program
   
   
3. Heimstaddikting inneber
   
   • å skrive om barndomsheimen sin
   • å fokusere på historia, røtene og heimstaden
   • å dikte om heimkommunen
   • å gi ut bøker på eige forlag
   
   
4. Eit etisk dilemma er
   
   • ein situasjon der ein må velje mellom tre eller fleire gode alternativ
   • ein situasjon der ein må vere uegoistisk
   • ein situasjon der ein blir trua av fleirtalet
   • ein situasjon der ein må gjere eit vanskeleg val, der det ikkje er gitt kva som er rett å gjere
   
   
5. I første halvdelen av 1900-talet
   
   • herska ein einsidig framtidsoptimisme
   • var alle skeptiske til det nye som voks fram
   • blei landsbygda viktigare enn byane
   • blei optimisme blanda med ein veksande utryggleik
   
   
6. Kvinnenes posisjon i samfunnet
   
   • blei stadig meir avgrensa
   • blei meir framtredande på mange område
   • blei i liten grad diskutert i litteraturen
   • var omtrent som han alltid hadde vore
   
   
7. Sentrallyrikk
   
   • er lyrikk prega av modernistiske tema og verkemiddel
   • er formdikt der alle verselinjene er midstilte for å skape ein sentralakse
   • er lyrikk som tek opp dei store, evige spørsmåla i livet
   • er den lyrikken som er viktigast
   
   
8. Kamplyrikk
   
   • betyr det same som sentrallyrikk
   • er politisk motivert og vil mane til handling
   • er lyrikk forfattarane i stor grad måtte kjempe for å klare å skrive
   • er lyrikk frå skyttergravene under første verdskrigen
   
   
9. Modernistisk dikting
   
   • er prega av eit ønske om å finne nye former og verkemiddel som kan skildre eit samfunn i endring
   • handlar om science fiction og framtidsvisjonar
   • oppstod på 1930-talet
   • varte i underkant av 15 år
   
   
10. Modernistisk dikting er ikkje kjenneteikna av
    
    • eksistensialisme
    • framandgjering
    • historisk fokus
    • fokus på enkeltmennesket (individet)
    
    
11. Kulturkampen i 20- og 30- åra
    
    • handla om at staten skulle betale kunstnarar kunstnarløn
    • var prega av sterke motsetnader mellom kulturradikalarar og konservative
    • stod i første rekkje mellom prestar og forfattarar i Nord-Noreg
    • handla om samanes rett til å oppretthalde samisk kultur og språk